Qazaxın erməni işğalındakı 4 kəndinin sülh yolu ilə Azərbaycana qaytarılması dünya dövlətləri tərəfindən təqdirlə qarşılanmaqda, ölkəmizin diplomatik uğuru kimi dəyərləndirilməkdədir.

Maraqlıdır, bəs bu olay Azərbaycanla Ermənistan arasında yeni gərginlik və qarşıdurma yaratmağa çalışan qüvvələrin məğlubiyyəti kimi qiymətləndirilə bilərmi?

Açıqlama verən siyasi şərhçi Azər Qasımov məsələ ilə bağlı maraqlı fikirlər səsləndirib:

“Qazaxın 4 kəndinin Azərbaycana qaytarılmasının elan edilməsi regionda gərginlik və qarşıdurma istəyən qüvvələr üçün gözlənilməz oldu. Bunu rus sülhməramlılarının Qarabağdan çıxması üçün də demək olar. Münaqişə tarixində Azərbaycan və Ermənistan arasında danışıqlarla hansısa məsələnin həll edilməsi bu halla bir ilk yaşadı. Tərəflər sübut etdilər ki, hərbi yolla yox, danışıqlar yolu ilə məsələlərin həlli yolunu tuturlar. Görünən odur ki, regionda maraqlı tərəflər bu hadisəni müsbət qarşılasa da, onlar üçün də gözlənilməz oldu.

Azərbaycan və Ermənistan öz aralarında anlaşmaqla isbat etdilər ki, kənar vasitəçilərə ehtiyac yoxdur. Onlar özləri öz aralarındakı məsələləri həll etmək üçün razılığa gələ bilirlər.

Regiondakı gərginlikdə maraqlı qüvvələr hesab edirəm ki, Qazax istiqamətində gərginlikdə daha çox maraqlı idilər. Beynəkxalq enerji layihələrinin bu istiqamətdə keçdiyini nəzərə alsaq, burdakı təxribatlar daha çox rezonans gətirildi. İndi bunun da qarşısı alınır.

Kəndlərin danışıqla geri qaytarılması Ermənistan rəhbərliyinin də mövqeyində dəyişiklik olduğunu göstərir.

Azərbaycan region üzərində oyunlar planlaşdıran qüvvələrə növbəti zərbəsini vurdu. Onların əllərindən bir-bir bütün təxribat kartları alınır. Gərginlik yaratmaq üçün vasitələr azaldıqca hesab edirəm ki, onlar prosesləri Ermənistan daxilinə keçirəcəklər. Ermənistan rəhbərliyi də bunun qarşısını almaq üçün tezliklə sülh yaranması üçün prosesləri sürətləndirməlidir. Gərginlik ilk növbədə Ermənistanın təhlükəsizliyinə zərbə vuracaq. Azərbaycanın haqlı tələblərini qəbul edib sülh müqaviləsi imzalamaq Ermənistanın gələcəyini müəyyən edəcək.

 Azərbaycan dövləti qalib çıxdığı müharibədən dərhal sonra regionda stabillik və inkişafa yol açacaq təkliflərlə çıxış etməsi onu göstərdi ki, Azərbaycan region ölkəsi kimi Ermənistanın da gələcəyində maraqlıdır. Ermənistan Azərbaycanın xoş niyyətini doğru anlamalı

Www.azadsoz.com